(കുടുംബ കലഹം ഒഴിവാക്കുന്നതിനായി നിയമ പ്രകാരമുള്ള മുന്നറിയിപ്പ് : ഈ കഥാപാത്രങ്ങള്ക്ക് ഈ ഭൂ(ബൂ)ലോകത്തില് ജീവിച്ചിരിക്കുന്നവരോ കടന്നുപോയവരോ ഞാന് അറിയുന്നവരോ എന്നെ അറിയുന്നവരോ ആയ ആരുമായും യാതൊരു ബന്ധവും ഇല്ല. പേരുകളും സന്തര്ഭങ്ങളും എല്ലാം സാങ്കല്പ്പികം മാത്രം. ഇനിയും ആരെങ്കിലുമായി ആര്ക്കെങ്കിലും എന്തെങ്കിലും ഹി-ബി-ഹി-ബീസ് തോന്നിയാല് അത് തികച്ചും ആസൂത്രിതമായ യാദൃശ്ചികത മാത്രം.)
-----------------------------------------------------------------------------------------------------------------------------------------
ആഹാ വന്നോ ..എന്താ ഇന്ന് നേരത്തെ കളി കഴിഞ്ഞോ?
ഉം ...
അതെന്താ ഇന്ന് ആരുമില്ലയിരുന്നോ കളിയ്ക്കാന്?
ഉം....
ഇതെന്നാ ഒന്നും മിണ്ടാതെ ഇങ്ങനെ മാറി മാറി നടക്കുനത്? അവിടെ നിന്നെ.. നോക്കട്ടെ
ഒന്നുമില്ലെടി
ഇന്നും കള്ള് കുടിച്ചു അല്ലെ?
കള്ളോ? ഞാനോ? ഏയ് ...
ഒന്നും പറയേണ്ട..എനിക്കറിയാം. എന്റെ ദൈവമേ..ഇതെന്തൊരു കഷ്ടമാ..നിങ്ങള്ക്ക് ഇതല്ലാതെ ഒരു പണിയുംഇല്ലേ.
എന്നതാടീ?
ഇന്നും ദാണ്ടെ കുടിച്ചേച്ചു വന്നിരിക്കുന്നു. അല്ല എന്നതാ നിങ്ങളുടെ ഉദ്ദേശ്യം?
എന്ത് ഉദ്ദേശ്യം?
ഇതു എന്ത് വിചാരിച്ചുള്ള പോക്കാ?
എടി പെണ്ണെ..ഉള്ള കാര്യം പയാമല്ലോ. ഞാന് അകെ രണ്ടു പെഗ് മാത്രമേ എടുത്തുള്ളൂ . സത്യം.
പിന്നേ..സത്യം ...രണ്ടെണ്ണത്തില് നിര്ത്തുന്ന ഒരാള്. രണ്ടു കുപ്പി ആയിരിക്കും. ഞാന് ഇന്നും ഇന്നലേം കാണാന് തുടങ്ങിയതല്ലല്ലോ.
ഓ...തുടങ്ങി ..പറഞ്ഞാല് മനസ്സിലാകത്തില്ലേ നിനക്ക്.
ഒന്നും പറയേണ്ട..എനിക്ക് ഒന്നും കേള്ക്കുകയും വേണ്ട
പോടീ പുല്ലേ... പോയി പണി നോക്ക്. നിന്നെ ഇപ്പോള് കണക്കു ബോധിപ്പിക്കേണ്ട ആവശ്യം ഇല്ല എനിക്ക്.
ഹും..ഞാന് എന്തെങ്കിലും പറയുന്നതാ കുറ്റം. കാണിക്കുന്നതിന് ഒരു കുഴപ്പവുമില്ല.
അതിനു ഞാന് ഒന്നും കാണിച്ചല്ല നടക്കുന്നത്. ഷോട്സും ടിഷര്ട്ടും ഇട്ടിട്ടുണ്ടല്ലോ.
ദേ ..കാര്യമായിട്ട് എന്തെങ്കിലും പറയുമ്പോള് വെറുതെ തമാശിക്കല്ലേ..ഒരു തമാശക്കാരന് വന്നിരിക്കുന്നു.
ശരി ഇന്നാല് തമാശ വിട്ടു. പറയൂ മകളെ എന്താ നിന്റെ പ്രശ്നം ഇപ്പോള്?
ഈ പരിപാടി നടക്കില്ല. അതുതന്നെ പ്രശ്നം.
ഏതു പരിപാടി?
ദേ .ചുമ്മാ ആക്കല്ല് കേട്ടോ. എനിക്ക് ദേഷ്യം വരും.
ഞ്ഹെ ..അപ്പോള് ഇതുവരെ ദേഷ്യം ഇല്ലായിരുന്നോ?
എന്തിനാ എന്നും ഇങ്ങനെ കുടിക്കുന്നത്? ഞാന് ഇവിടെ ഒറ്റക്കാണ് എന്ന് അറിയാന് മേലെ? എന്റെ വീട്ടിലാരുംഇങ്ങനെ കുടിക്കില്ല. എനിക്ക് ഇതു കാണുമ്പോള് തന്നെ പേടിയാ.
എടീ പെണ്ണേ ഇന്ന് തോമാച്ചന് പുതിയ പജീറോ മേടിച്ചതിന്റെ ചിലവായിരുന്നു. ഒരു ചെറിയ തുടക്കം. ബാക്കി വ്യാഴാഴ്ച വൈകിട്ട്. അവന് വലിയ കാര്യമായിട്ട് കൊണ്ടുവന്നിട്ടു ഞാന് കൂടിയില്ലെങ്കില് മോശം അല്ലെ.
പിന്നേ.. ഭയങ്കര മോശം ആയിപ്പോകും. അപ്പോള് ഇന്നലയോ?
ഇന്നലെ? ....ഉം...ആ....ഇന്നലെ ബാബുവിനു ബോണസ് കിട്ടി. നാലു വര്ഷത്തിനു ശേഷമാണ് പോലും. അവന്റെ ഒരു സന്തോഷത്തിനു....
നിങ്ങള്ക്കൊക്കെ എന്തിന്റെ കേടാ? സന്തോഷം വന്നാല് കുടി...ടെന്ഷന് കേറിയാല് കുടി ...ഈ നശിച്ച കുടി ഇല്ലാത്ത എന്തെങ്കിലും ഉണ്ടോ നിങ്ങള്ക്ക്?
അപ്പോള് ഞാന് എന്നാ ചെയ്യണമെന്നാ ഈ പറയുന്നത്?
നിങ്ങള്ക്ക് വൈകിട്ട് വീട്ടില് വന്നാല് ഇവിടെ അടങ്ങി ഇരുന്നുകൂടെ? ഞാന് അടുക്കളയില് കയറുന്ന നേരത്ത്എന്നെ കാണാതെ ഈ മുങ്ങുന്നത് നിര്ത്തണം.
ഞാന് നീ പറഞ്ഞതനുസരിച്ച് ടെന്നീസ് കളിയ്ക്കാന് പോകുന്നതല്ലേ?
ഒടുക്കത്തെ ഒരു ടെന്നീസ് കളി . ഹോ... അല്ലെങ്കിലും നിങ്ങളെ ഉന്തി തള്ളി കളിക്കാന് വിട്ട എന്നെ പറഞ്ഞാല് മതിയല്ലോ. എനിക്കറിയാം അവിടെ എന്താ പരിപാടി എന്ന്.
എന്ത് പരിപാടി?
കണ്ടോ..എല്ലാവന്റെയും കെട്ടിയോള്മാരെ കൂട്ടി ഞാന് ഒരു വരവുണ്ട് അങ്ങോട്ട്. നിര്ത്തിക്കും ഇതു ഞാന്.
പിന്നെ.. നീ പറയുമ്പോള് ജാഥ നടത്താന് റെഡി ആയി ഇരിക്കുകയല്ലേ എല്ലാവരും.
ആരും ഇല്ലെങ്കില് ഞാന് ഒറ്റയ്ക്ക് വരും. ആ കണ്ടോ
ഇതു നല്ല കൂത്ത്. മര്യാദക്ക് ഇവിടിര്ന്ന എന്നെ തടി കൂടുന്നു എന്ന് പറഞ്ഞു നീ തന്നെ അല്ലെ ടെന്നീസ് കളിയ്ക്കാന്വിട്ടത്. എന്നിട്ടിപ്പോള് കളി നിര്ത്തിക്കുമെന്നോ?
കളിക്കാനാണ് എന്നും പറഞ്ഞു പോയിട്ട് അവിടിരുന്നു കള്ള് കുടി അല്ലെ പണി.
അവിടെ ആരും കള്ള് കുടിക്കില്ല പെണ്ണെ.
പിന്നേ കുറെ പുണ്യവാളന്മാര്. കൊരങ്ങന്മാര് . ഇനി കാണട്ടെ .എല്ലാവനും നല്ലത് വച്ചിട്ടുണ്ട് ഞാന്. അല്ല എന്തിനാ അവരെ പറയുന്നത്? ആരെങ്കിലും രണ്ടു പേരെ കണ്ടാല് ഉടനെ കുപ്പിയും പൊക്കിപ്പിടിച്ചു ഇറങ്ങിക്കോളും ഇവിടെയൊരാള്. എന്നിട്ട് അടുക്കള വഴി ഒരു വരവുണ്ട് ..വെള്ളം, സോഡാ, സ്നാക്ക്സ് എന്നൊക്കെ പറഞ്ഞു. എനിക്കത് കാണുമ്പോള് എല്ലാം തല്ലി പൊട്ടിക്കാന് തോന്നും..ങ്ഹാ
എന്തെങ്കിലും ഒരു രസം വേണ്ടേ ജീവിതത്തില്. പിന്നെ ഇവിടെ എന്തെങ്കിലും ആവശ്യം വന്നാല് ഒരു ഉപകാരത്തിനു അവരൊക്കെ കാണൂ..
അല്ല ..ഇതെവിടിയാ ഈ കുപ്പിയൊക്കെ വച്ചിരിക്കുന്നത് ?
എന്തിനാ?
ഒന്ന് കാണാന്.
വേല നിന്റെ അപ്പന്റെ അടുത്ത് ഇറക്കിയാല് മതി. എടുത്തു കളയാനല്ലേ?
ആ അതെ ...ഇനി എന്റെ കയ്യില് കുപ്പി കിട്ടട്ടെ ..ഞാന് കാണിച്ചു തരാം.
നീ തച്ചു കുത്തി നിന്നാല് ഒരെണ്ണം കണ്ടു പിടിക്കില്ല മോളെ.
പറയെന്നേ ...എവിടെയാ വച്ചിരിക്കുന്നത്. ഞാന് എടുത്തു കളയില്ല
വേണ്ട വേണ്ട ..നിന്നെ ഈ കാര്യത്തില് എനിക്ക് തീരെ വിശ്വാസമില്ല. അതൊക്കെ പോട്ടെ..ഇന്നെന്നതാ ചോറിനു കറികള്?
എന്നും ചോറ്. അങ്ങനെ ഇപ്പോള് വേണ്ട. ഇന്ന് ചപ്പാത്തിയും വെജിറ്റബിള് കറിയും സാലഡും.
ഞാനെന്താ പശുവോ ഉള്ള ഇലയും കിഴങ്ങും ഒക്കെ തിന്നാന്? ചിക്കനും മീനും ഒന്നും കറി വച്ചില്ലേ?
അങ്ങനെ ഇപ്പോള് എന്നും ചിക്കന് തിന്നാല് ശരിയാകുകയില്ല. വൈകിട്ട് കളിയ്ക്കാന് പോയാല് അവിടെ ഇരുന്നു കള്ള് കുടിക്കും. ദേഹം അനങ്ങാന് മടിയുള്ളവര് പച്ചക്കറി തിന്നാല് മതി
അല്ലെങ്കിലും നിനക്ക് ഈയിടെയായി ഒരു സ്നേഹവുമില്ല. പിന്നേ ദേഹം അനങ്ങുന്നില്ല എന്ന് പറയരുത്.കാര്യങ്ങള് ഒക്കെ ദിവസവും ഭംഗിയായിട്ട് നടക്കുന്നുണ്ടല്ലോ. ......ടിന്.. ടിന്
വലിയ സ്നേഹം ഒന്നും വേണ്ട. അല്ലെങ്കിലും കുടിച്ചിട്ട് വന്നാല് ഇത്തിരി സൂക്കേട് കൂടുതലാ നിങ്ങള്ക്ക്. ചുറ്റും കറങ്ങി നടന്നോളും. ശോ... ഒന്ന് മാറിയിരിക്കു..എന്തൊരു മണമാ ഇത്. ഇഷ്ടമില്ല എനിക്ക്.
അങ്ങനെ വരാന് വഴിയില്ലല്ലോ.
ഓരോ ദിവസവും ഓരോ ഓരോ വൃത്തികെട്ട മണം. ഇന്ന് എന്നതാ കുടിച്ചത്?
ഏയ് ...നിനക്ക് തോന്നുന്നതാ. ഇത് മണമില്ലാത്ത ഇനമാ
പിന്നേ ..മണമില്ലാത്ത ഇനം കള്ള് പോലും.
ഇത് കള്ള് അല്ലെടി ..ഇവിടെ എവിടെയാ കള്ളു കിട്ടുന്നത്
പിന്നെ എന്നതാ ഇതു?
ഇതോ ..ഇതു വോട്കാ ആണ് മോളെ
ഓ..എന്നാ കൂട്ക ആണെങ്കിലും കൊള്ളാം.
നീ ഇങ്ങനെ ഇപ്പോള് ചൂടാകേണ്ട ഒരു കാര്യവുമില്ല. നമ്മുടെ കല്യാണത്തിന് മുന്പേ നിന്നോട് പറഞ്ഞിട്ടുള്ളതല്ലേ ഞാന് ഇത്തിരി കഴിക്കുന്ന ആളാണെന്നു. അപ്പോള് നീ എന്താ പറഞ്ഞത്..നിന്റെ അപ്പനും കഴിക്കുമെന്ന് ..എന്നിട്ട് ഇപ്പോള് പിന്നെ എന്താ കുഴപ്പം?
എന്റെ അപ്പന് കഴിക്കും. ക്രിസ്മസ്-നും ഈസ്റ്റര്-നും മാത്രം. ഇത് അങ്ങനെയാണോ. എവിടെ എന്നും ഈസ്റ്റര് അല്ലെ?
അത് അപ്പനു ഗാന്ധി ഇറക്കാന് മടിയായിട്ടല്ലേ. പിന്നെ അമ്മയെ പേടിയും.
ആ..അങ്ങനെ കൂട്ടിക്കോ. അപ്പന് കിട്ടിയ ശമ്പളം സൂക്ഷിച്ചു ചിലവാക്കിയാ ഞങ്ങളെ ഒക്കെ വളര്ത്തിയതും പഠിപ്പിച്ചതും. അല്ലാതെ നിങ്ങളെ ഒക്കെ പോലെ അപ്പന് റബ്ബര് എസ്റ്റേറ്റ് ഒന്നും ഇല്ലേ.
അപ്പന്റെ കാര്യം പോട്ടെ. നിന്റെ ആങ്ങളെയോ? വലിയ കോപ്പനാണ് ബാംഗ്ലൂര്-ല് എന്നിട്ടും ഓസാനല്ലേ പഠിച്ചിട്ടുള്ളൂ.
അയ്യെടാ. അച്ചാച്ചന് എപ്പോഴാ ഈ അളിയനെ ഓസിയത്? വലിയ വര്ത്തമാനം ഒന്നും പറയേണ്ട.
ഓസിയില്ലെന്നോ? എന്നിട്ടാണോ കഴിഞ്ഞ മാസം ഞാന് ബാംഗ്ലൂര് പോയപ്പോള് എന്റെ ചിലവില് രാവിലെ മുതല് നട്ടപ്പാതിരാ വരെ അവിടെയുള്ള സകല ബാറിലും പോയി വലിച്ചുകയറ്റിയത്.
ആ കഥ ഒന്നും പറയേണ്ട. ആനി എന്നെ വിളിച്ചു കരച്ചിലോടു കരച്ചില് ആയിരുന്നു.
ഉം ..ഞാനില്ലായിരുന്നു എങ്കില് കാണാമായിരുന്നു അന്ന്. അളിയന് ബാറില് കിടന്നു ഉറങ്ങിയേനെ. സ്മരണ വേണമെടി കുറച്ചെങ്കിലും. ഓസില് കിട്ടിയപ്പോള് മൂക്കറ്റം വലിച്ചു കയറ്റിയവന് മിടുക്കന്. കാശും കൊടുത്തു അവനെ ഒക്കെ ചുമന്നു വീട്ടില് കൊണ്ടുചെന്ന ഞാന് കൊള്ളരുതാത്തവന് അല്ലെ?
ഓ ..നിങ്ങള് വലിയ ആളാണേ. സമ്മതിച്ചു
അല്ലാ..അളിയന് ബിയര് കുടിക്കും എന്ന് ആനി അവളുടെ വീട്ടില് പറഞ്ഞതിന് നീയും നിന്റെ അമ്മയും കൂടെഇരുന്നു തിരി കൂടുന്നത് കേട്ടല്ലോ. അച്ചാച്ചന് ഇത്തിരി കഴിച്ചാല് അവള്ക്കെന്താ ചേതം എന്നൊക്കെ പറഞ്ഞു?
അല്ല അതുപിന്നെ അവള് ആരാ അങ്ങനെ പറയാന്?
ആഹാ..അതുശരി ..നാത്തൂന് പറഞ്ഞാല് കുറ്റം. അതെ കാര്യം നീ പറഞ്ഞാല് മിടുക്ക്. അതെന്തൊരു ന്യായമാണ്? നീ എന്നെ കുറിച്ച് എന്തൊക്കെയാ നിന്റെ വീട്ടില് പറഞ്ഞു പിടിപ്പിച്ചു വച്ചിരിക്കുന്നത്?
എന്ത് പറഞ്ഞാലും നൂറു ന്യായം കാണും എന്നും. അല്ലെങ്കിലും എനിക്കിത് വരണം. എന്റെ നിര്ബന്ധം കാരണമാ നമ്മുടെ കല്യാണം നടന്നത്. അന്നേ എല്ലാവരും പറഞ്ഞതാ അവര് പാലാക്കാരാ ..നല്ല കുടിയന്മാരായിരിക്കും എന്നൊക്കെ..എന്റെ തലവര.
അയ്യോടീ..അല്ലെങ്കില് എനിക്ക് വേറെ പെണ്ണ് കിട്ടുകെലായിരുന്നു അല്ലെ? എന്നെ തന്നെ കെട്ടിയാല് മതി എന്ന് പറഞു വീട്ടില് സത്യാഗ്രഹം നടത്താന് ഞാന് പറഞ്ഞില്ലല്ലോ. അല്ലെങ്കില് തന്നെ എന്നെ പോലെ ഒരു സ്മാര്ട്ട് പയ്യന് നിന്നെ പെണ്ണ് കാണാന് വന്നത് തന്നെ വലിയ കാര്യമല്ലേ?
എന്നെ പറഞ്ഞാല് മതി. അന്നത്തെ ഇരുപ്പും വര്ത്തമാനവും ഒക്കെ കണ്ടു ഞാന് അങ്ങ് വീണു പോയി. അല്ലെങ്കിലും ആളെ പറഞ്ഞു പറ്റിക്കാന് അന്നും ഇന്നും വല്ലാത്ത മിടുക്കല്ലേ.
അതുകൊണ്ട് നിനക്ക് കുഴപ്പമൊന്നും വന്നില്ലല്ലോ. എടത്വായില് ചെളിയില് കിടന്ന നീ ഇപ്പോള് ദുബായിയില് നല്ല ജോലിയും കിട്ടി സുഖമായി ജീവിക്കുന്നില്ലെ?
ഇനി ഞാനും കുടി തുടങ്ങാന് പോകുവാ..അങ്ങനെ ഒരാള് മാത്രം അങ്ങനെ സുഖിക്കേണ്ട
ഹാ...ഹാ...ഹാ...ഹോ.ഹോ ഹോ എനിക്ക് ചിരിക്കാന് മേലേ...
എന്താ ഇത്ര ചിരിക്കാന്..ഞാന് കാര്യമായിട്ട് പറഞ്ഞതാ..ഞാന് കുടിച്ചാല് എന്താ ഇറങ്ങില്ലേ?
പിന്നെ.. പിന്നെ.. ഇറങ്ങും.. ഇറങ്ങും..കഴിഞ്ഞ ക്രിസ്മസ്-നു വീട്ടില് നിന്ന് ഇത്തിരി വൈന് കുടിച്ചിട്ട് കാണിച്ചത് എല്ലാവരും കണ്ടതല്ലേ
അയ്യേ....ശേ......നിങ്ങള് കാരണമാ അതും.
ദേ കിടക്കുന്നു ..ഞാന് എന്തു കാണിച്ചു?
നിങ്ങള് അല്ലേ പറഞ്ഞത് അത് നല്ലതാ ..മധുരം മാത്രമേ ഉള്ളു എന്ന്.
നിനക്ക് ഇത്ര വിവരം ഇല്ലാതെ പോയല്ലോ. മധുരം മാത്രമുള്ള വൈന് പോലും. എടീ പൊട്ടി.. നീ അല്ലാതെ വല്ല പെണ്ണുങ്ങളും കാട്ടുമാക്കാന് റം ഒഴിച്ചു കൂട്ടി വച്ചിരിക്കുന്ന വൈന് എടുത്തു മട മടാന്നു വലിച്ചു കേറ്റുമോ?
റം ഒഴിച്ചതായിരുന്നെന്നോ? എന്റെ ദൈവമേ ..കൊല്ലും നിന്നെ ഞാന് ഇന്ന്. എന്നിട്ട് എന്റെ വീട്ട്ലും ചെന്ന് പറഞ്ഞില്ലേ ഞാന് ക്രിസ്മസ്-നു ഓഫ് ആയിരുന്നെന്നു. കൊരങ്ങന്....
പിന്നെ നിനക്കിട്ടു ഒരു ചെറിയ പണി തരാന് കിട്ടിയ അവസരം കളഞ്ഞാല് കര്ത്താവു പിന്നെ ചോദിക്കും എന്നോട്.
നിങ്ങളുടെ വലിയ കൂട്ടുകാരനല്ലേ ജയ്സണ്. മിനി എന്നോട് പറഞ്ഞല്ലോ കള്ളിന്റെ മണം കേള്ക്കുന്നതെ ജയ്സ്സന് അലെര്ജി ആണെന്ന്. അങ്ങനെ വേണം ആണുങ്ങള്. എന്ത് സന്തോഷമായിരിക്കും അവിടെ.
അബുദാബിയില് ഉള്ള ജയ്സണ് ആണോ? ആ അലുവാക്കാരന് . നല്ല ശേലായി..പിന്നേ അവന് എന്റെ ആരുമല്ല. നമ്മുടെ തോമാച്ചന്റെ കമ്പനിയില് പെട്ടതാ. അവന്റെ കൂടെ ഒന്ന് രണ്ടു പ്രാവശ്യം കണ്ടിട്ടുണ്ട്. അത്രേ ഉള്ളു. അല്ല നീ എങ്ങനെ ആ ജയ്സനെ കണ്ടത്?
കഴിഞ്ഞ മാസം തോമാച്ചന്റെ മോന്റെ ബര്ത്ത് ഡേ പാര്ട്ടിക്ക്. അതെങ്ങനാ നിങ്ങള്ക്കൊന്നും ബോധം ഇല്ലായിരുന്നല്ലോ അന്ന്. എന്നിട്ട് പാട്ടും ഡാന്സും ..ശേ ...ഓര്ക്കുമ്പോള് തന്നെ നാണക്കേട്.
ആ ശരിയാ ..അന്ന് അവനും കെട്ടിയവളും ഉണ്ടായിരുന്നു. എന്താ അവളുടെ പേര്?
മിനി. അവള് എന്നോട് നിങ്ങള് നല്ലപോലെ കുടിക്കും അല്ലെ എന്ന് ചോദിച്ചപ്പോള് എന്റെ തൊലി ഉരിഞ്ഞുപോയി. കൂടെ അവളുടെ ഒരു കളിയാക്കി ചിരിയും. കൊരങ്ങച്ചി ...
എടി..ഞാന് കുറച്ചു കുടിക്കും അത് വന്നു നിന്നോട് പറയുകയും ചെയ്യും. അതുകൊണ്ടല്ലേ നീ അറിയുന്നത്. എല്ലാവരും അങ്ങനെ അല്ല അതറിയാമോ?
എന്ന് വച്ചാല്?
അതുതന്നെ. ഒളിച്ചും പാത്തും കാര്യങ്ങള് ഒക്കെ നടത്തും. കുടി മാത്രമല്ല വേറെ പലതും.
പിന്നേ അങ്ങനെയൊന്നുമില്ല. ഉണ്ടോ?
ഇല്ല പിന്നേ ..ഈ ഭാര്യയെ സോപ്പിട്ടു പറ്റിച്ചു കാര്യം കാണുന്നവര് എല്ലാം ഇങ്ങനെ ആണ്. ആരെങ്കിലും ഇനി അവന് അങ്ങനെ കാണിച്ചു എന്ന് പറഞ്ഞാലും എവളുമാര് പറഞ്ഞവനെ ചീത്ത പറയും.
വെറുതെ ചുമ്മാ പറയല്ലേ? അപ്പോള് ജയ്സണ് കള്ള് കുടിക്കുമോ?
എടി കുടിക്കുമോന്നോ? എന്ത് സാധനമാണെങ്കിലും വെള്ളം പോലും ഒഴിക്കില്ല. അറിയാമോ.
പിന്നേ ..അങ്ങനെ ആണെങ്കില് വീട്ടില് ചെല്ലുമ്പോള് അവള് അറിയില്ലേ.
അതിനു വീട്ടില് പോയിട്ട് വേണ്ടേ. അവനു വേറെ ഒരു സെറ്റ് അപ്പ് കൂടെ ഉണ്ട്. പലപ്പോഴും അവിടെയാ രാത്രി കിടപ്പ്.
ചുമ്മാ വേണ്ടാതീനം പറയല്ലേ. ദോഷം കിട്ടും.
എടി കഴുതേ.. അവന്റെ കെട്ടിയോള് ആ ചക്കപ്പോത്തിനു അല്ലാതെ എല്ലാവര്ക്കും ഇതൊക്കെ അറിയാം. അവളുടെ വിചാരം അവളുടെ കെട്ടിയവന് ഒഴിച്ച് എല്ലാവരും പന്നന്മാര് ആണെന്നാ. അത് അറിയിക്കാനാ നിന്നോട് അന്ന് അങ്ങനെ പറഞ്ഞത്. അത് കേട്ട് തുള്ളാന് നീ ഒരുത്തിയും.
ശരിക്കും ആണോ?
പിന്നല്ലാതെ. വേറെ എല്ലാവരും അവളെ ആക്കി ചിരിക്കുന്നത് നീ കണ്ടില്ലേ?
ഹോ ..ഇങ്ങനെയും ഉണ്ടോ മനുഷ്യര്.
ഇപ്പോള് മനസിലായില്ലേ നിന്റെ കെട്ടിയവന് അത്ര മോശക്കാരന് അല്ല എന്ന്.
ഉം ..മോശമാണ് എന്ന് ഞാന് പറഞ്ഞില്ലല്ലോ മോനെ. എനിക്കറിഞ്ഞുകൂടെ എന്റെ ചെക്കനെ .. ഇന്നാലും ഒരുപാടു കുടിക്കല്ലേ ...
ഇല്ലടി .. ഞാന് അല്ലെ പറയുന്നത്.. ആ ..മണി 11 ആയി. എനിക്ക് വിശക്കുന്നു.
ചിക്കന് കറി വേണോ?
ഓ .. സമയം ഇത്രയും ആയില്ലേ ഇനി നീ അതിനുവേണ്ടി ബുദ്ധിമുട്ടേണ്ട.
അത് സാരമില്ല ഒരു 15 മിനിറ്റ്. കുളിച്ചിട്ടു വരുമ്പോഴേക്കും കറി റെഡി..
ഓ കെ
